Resultadonan di enkuesta tokante e impakto di COVID-19 riba e situashon sosioekonómiko di Kòrsou

resultadonan di enkuesta tokante e impakto di COVID-19 riba e situashon sosioekonómiko di Kòrsou

Willemstad – CBS a lansa 24 di aprel 2020 un enkuesta tokante e  impakto di COVID-19 riba e situashon sosioekonómiko di e poblashon di Kòrsou di 15 aña i mas. E enkuesta aki a ser distribuí pa medio di mensahe di teksto (sms) dor di kompanianan Digicel i UTS. E tabata tambe aksesibel riba e plataformanan digital di Gobièrnu di Kòrsou i di CBS.

Temanan ku e enkuesta  a kubri tabata kon salu e partisipantenan ta sinti nan mes, seguridat, labor i ku por provení den nesesidatnan di tur dia. En total tabata tin 18 pregunta.

En total 113.476 biaha e enkuesta a ser habri. Di esunnan ku a habri enkuesta 24.535 a kompletá e kuestionario. Di e 24,535 personanan  ku a respondé e enkuesta, 56% ta hende muhé i 44% ta hende hòmber. Debí na e método di kolekta e datonan aki, e resultadonan ta solamente indikativo pa e públiko ku tin akseso na Internet na kas i/òf riba nan selular i e resultadonan no ta papia di e públiko en general.

Algun di e resultadonan prinsipal ta:

  • Respondentenan a klasifiká nan salu en general komo 8,0 riba un shal di 1 te 10
  • 63,4 % di e respondentenan ta (masha) di akuerdo ku e afirmashon ku nan ta sinti nan mes mes sigur na kas awor aki ku promé ku COVID-19
  • E total di personanan ku ta buska trabou entre 15-65 aña ta 18,1%. Di e grupo aki 37,1% ta buskando 6 luna trabou
  • 18,8% di respondentenan a indiká ku nan a bai atras riba nan entrada. 74.3% di e grupo aki a indiká ku nan fuente primario di entrada ta trabou òf kompania propio
  • 84,3% di respondentenan a indiká ku nan tin moda di sorú pa nan mes i nan famia por kome i bebe

Por bishita e wèpsait (página inisial) di CBS www.cbs.cw pa mas resultado di enkuesta aki.

CBS ta gradisí tur persona ku a partisipá na e enkuesta aki.

SHARE

LEAVE A REPLY