Retiro masal na Santa Barbara Beach & Golf Resort

WILLEMSTAD.-Desishon a kai ku ta sera Santa Barbara Beach & Golf Resort pa un periodo di entre 12 – 18 luna, asina e kompania a anunsiá awe den un informe ofisial. E kompania ta splika ku nan tambe ta pasando den momentunan sumamente difísil meskos ku hinter mundu.

No ta un sekreto ku for di su inisio 10 aña pasá e hotèl a lucha hopi speshalmente ku e parti finansiero i awor ku e Covid-19 e impakto ta ainda mas severo i esei ta hasi práktikamente imposibel pa kontinuá ku e operashon.

Ta den e kuadro ei a yega na e desishon pa pidi retiro masal di tur trahadó na Ministerio di Labor (SOAW). E kanchanan di gòlf ‘Old Quarry Golf Course’ i tambe Boca 19 i Barbara Beach si lo keda den operashon pa públiko. Mas detaye den edishon di EXTRA.

SHARE

LEAVE A REPLY