BUENOS AIRES, ARGENTINA, AFP.- E entrega di dósisnan di Sputnik V di Rusia plania pa e siman aki pa Argentina a keda retrasá indefinidamente, segun indikashon di un fuente di gobièrnu.
Un buelo di Aerolineas Argentinas tabata plania pa Sali pa Rusia i bin bèk ku 19,4 mion dósis ku Moscow a komprometé na entrega promé ku fin di febrüari. Te ainda, Argentina a bisa ku e pais a risibí 600.000 dósis di e vakuna ku ta rekerí dos dósis.
E hefe di aerolínea Pablo Ceriano a informá riba Twitter djaluna ku lo plania un buelo nobo “manera nos tin konfirmashon di tur parti embolbí den e kadena di suministro”.
E gobièrnu a bisa ku ainda no a establesé un fecha nobo. E gobièrnu no a proveé un motibu pa e retraso tampoko.
Aerolineas Argentinas a ehekutá dos buelo di ida i buèlta pa Rusia pa trese dósisnan di e vakuna ku Argentina a kuminsá atministrá riba 29 di desèmber.
E pais a reportá 1.8 mion infekshon di Corona vírus i 47.000 morto.
E gobièrnu di Buenos Aires a bisa ku e pais a kumpra 51 mion dósis di vakuna.
