Premier Rutte: Por bin ku medida pero ta komportashon di hende ta e kos

ULANDA.- Premier Mark Rutte awe atrobe a mustra preokupashon grandi pa komportashon di e komunidat ulandes pa loke ta trata Corona vírus.

Rutte a duna di konosé ku ya kaba riba 100 mil hende ta kontagiá ku e vírus na Ulanda, anto e sifranan ta keda subi di forma alarmante. E kantidat di hendenan den hospitalnan ta oumentando di forma drástiko. Esaki ta nifiká ku e kuido regular den mayoria hospital ta bou di preshon grave.

Despues ku siman pasá a pone medidanan pa 6 region awe a agregá 8 region mas debí ku e kantidat di hende infektá a subi den e regionnan ei.

E situashon den hinter Ulanda ta unu di preokupashon grandi, prinsipalmente Amsterdam, Rotterdam i Den Haag.

Premier Rutte di forma determiná a mustra ku kada hende mester asumí su propio responsabilidat. Gobièrnu por bini ku regla i medida pero e komportashon di kada hende ta hasi e diferensia.

Banda di e preshon riba salubridat i hospital, e situashon aki tin preshon riba ekonomia, negoshinan den horeca ku tur ta sufri debí ku hendenan no ta kumpli ku e regla pa tene distansia i reglanan di higiena.

 

LAGA UN KOMENTARIO

Please enter your comment!
Please enter your name here