TURKIA.- Konyaspor ayera a sa di avansá pa semi final di e Türkiye Kupası (Kopa na Turkia), ora nan a derotá e fuerte ekipo di Fenerbahçe ku skor di 1-0 ayera den kuart final ku a bai prolongashon. Nan lo topa ku sea Beşiktas òf Alanyaspor den e semi final.
Pa loke ta trata Riechedly Bazoer, e miembro di selekshon di Kòrsou a kuminsá ayera riba banki. E miembro di selekshon di Kòrsou a drenta e partido na di 106 minüt, den e viktoria di su ekipo.
Esaki tabata Bazoer su di 14 partido e temporada aki pa Konyaspor. Tur e último weganan di e miembro di selekshon di Kòrsou tabata komo suplente.
