LOS ANGELES, MERKA, AFP.- Riu di lava ku e volkan Mauna Loa na Hawai a saka ta direkshon pa un di e kayanan prinsipal di e isla, asina outoridatnan a informá, alarmando e lokalidat.
E volkan mas grandi aktivo na mundu a drenta den erupshon den anochi di djadumingu despues di un pouze di kasi 40 aña i durante siman e fuente di Lava i piedra a yega te ku 60 meter di altura.
E riu di lava ku ta bini di e krater grandi a alkansá un velosidat di te 40 meter pa ora den último dia, asina e servisio Geológiko di Merka a informá.
Den su reportahe resien, outoridatnan a detayá ku e lava ta na 5,2 kilometer di e kaya importante Daniel K. Inouye i ku di akuerdo ku e opservadó den último oranan.
“Sinembargo tin hopi kos den wega i tantu e direkshon komo e tempu di avanse di e fluho i ta spera ku nan kambia den un periodo di ora pa dia”, asina nan a aklará.
