Update: Robbie do Santos den libertat bou di kondishon

UPDATE: Robbie do Santos a rekobrá su libertat, sinembargo ta bon pa indiká ku ta trata aki di libertat bou di kondishon komo ku ainda su kaso mester keda tratá den luna di febrüari. Bastante ta e personanan, entre nan famia, su trahadónan i tambe habitantenan di Koraal Specht, ku a para pafó na prizòn pa risibí Robbie ku gritu na momento ku e wardadónan di prezu a habri porta pa e sali. Pa mas detaye chek bo korant EXTRA mañan.

WILLEMSTAD.- Informashon ku EXTRA a kaba di risibí ta indiká ku korte a kaba di suspendé e detenshon di Robbie do Santos. Segun e abogadonan di Robbie do Santos, Ministerio Públiko no tin sufisiente prueba pa mantené nan kliente detené i konsekuentemente hues no tabatin otro opshon ku ta di suspendé e detenshon. Keda pendiente pa mas detaye.

SHARE

LEAVE A REPLY