WOLFEBORO, NEW HAMPSHIRE, MERKA (AP).- E kandidato presidensial republikano Mitt Romney ta konsiderá e posibilidat di skohe un hende muhé komo kompañero di fórmula, asina su kasá a afirmá.
Ann Romney a bisa ku ‘nos tabata mirando esei i mi ta enkantá ku e opshon ei’ i el a agregá ku ‘tin hopi hende ku Mitt ta konsiderando awor mes’.
E kasá di e kandidato a bisa na CBS, den un entrevista transmití ayera, ku e persona skohé pa kompañá su kasá lo mester ta ‘un hende ku evidentemente por hasi e trabou pero ku ta kapas di karga algun di e otro responsabilidatnan’.
E èks gobernador di Massachuset ts, ku a kompañá su kasá durante e entrevista, no kier a
deskribí e situashon di e búskeda di su kompañero di fórmula pasobra ‘e ta algu ku mi ta mantené den intimidat di mi ekipo’.
E spekulashonnan ta krese riba ken Romney lo skohe pa kompañ’é. E ta e desishon mas grandi ku e lo tuma entre e momentu aki i ora e aseptá formalmente e kandidatura republikano na kabamentu di ougùstùs.
Den sírkulonan republikano a menshoná kandidatonan hòmber, manera senador Rob Portman, e èks gobernador di Minnesota Tim Pawlenty, e representante Paul Ryan, e senador di asendensia kubano pa Florida, Marco Rubio, e gobernador di New Jersey, Chris Christie i e gobernador di Luisiana, Bobby Jindal. Pero a sirkulá otro grupo di nòmbernan, entre nan ku tin e senador Kelly Ayotte, tambe e gobernadornan Nikki Haley, di Suit Carolina, i Susana Martínez, di New Mexico, i e èks direktor general di eBay Meg Whitman.
Ann Romney a sostené tambe ku presidente Barack Obamaiedemókratanan‘lo hasi tur loke ta posibel pa destruí Mitt’.
‘For di prinsipio nos a tende kua tabata su strategia. Likidá Romney’, el a afirmá. I el a atvertí ku ‘miéntras mi ta na su banda, mihó nan ta trata di hasi esei’.
