WASHINGTON, AP.- E kandidato presidensial republikano Mitt Romney, djarason a lansa su website Juntosconromney.com i su di ocho anunsio di televishon na spañó, nara den kámara pa un di su sinku yunan.
Den e komersial titulá “Los Invito”, Craig Romney ta invitá e televidentenan pa konosé su tata i skucha su ideanan.
“Mi tata stima nos pais profundamente. Loke el a logra den su bida, el a hasié trahando duru i
ta e mesun dedikashon ei e lo usa pa ku e pais aki i krea trabounan”, esei ta loke Craig a bisa mirando den kámara ku lo wòrdu transmití den estadonan klave pa e kontienda elektoral na novèmber.
Valentina Weis, resien nombra komo direktora nashonal di medionan spesialisá pa kampaña di Romney pa presidente, a deskribí e dominio ku Craig Romney tin pa e idioma di spañó komo “un gran bentaha pa nos esfuersonan pa animá nos komunidat, spesialmente e hóbennan latino”.
Ana Carbonell, asesor di e kampaña di temanan hispániko, a splika na AP ku e anunsio ta e promé di e echonan na spañó ku no tin un vershon na ingles i e promé dirigí na e poblashon di esnan mas hóben.
