‘Roof Top Kitchen’ ta kombiná kuminda, bebida i un estilo sofistiká

WILLEMSTAD.- Dia 30 di mart próksimo lo presentá otro edishon di ‘Roof Top Kitchen’. Despues di dos eksitoso edishon i un spesial di Valentines Day  ku tabata ‘sold-out’  ya ta preparando pa atrobe ofresé tur bishitante un eksperensia inolvidabel riba Rif Fort Wall. Disfrutá di e panorama vibrante di nos Handelskade miéntras ta sosialisá i purba for di e menú ‘tapas style’.
‘Roof Top Kitchen’ ta un evento kulinario den airu liber i eksklusivo riba Rif Fort Wall- entrada ta grátis. E evento ta kombiná kuminda, bebida i un estilo sofistiká. Por sea para òf sinta na diferente mesa haltu òf por tuma asiento ku un grupo grandi den un área kómodo ku ‘sofa lounge’.
Djasabra dia 30 di mart próksimo, Renaissance Curaçao Resort lo presentá un otro edishon di ‘Roof Top Kitchen’ for di 7 or pa 11 or di anochi.  Lo ofresé diferente tapa’s sukulento i kòktelnan eksótiko prepará pa e mihó bartèndernan i ekspertonan den miksologia.  Lo tin WiFi i parkeo grátis pa tur kliente. Pa mas informashon òf reservashon por yama 435.5034 òf por e-mail nautilus@curacaorenaissance.com

SHARE

LEAVE A REPLY