Presidente di Líbano Joseph Aoun
WASHINGTON, MERKA, AFP.- E sekretario di Estado di Merka, Marco Rubio, a reuní djadumingu na Washington ku e presidente libanes, Joseph Aoun, segun indikashon di un funshonario di Departamento di Estado di AFP.
Aoun, kende a yega Merka djasabra, lo reuní ku presidente Donald Trump djamars, segun un komunikado libanes.
Ta trata di e promé reunion di un presidente libanes i un mandatario merikano desde e enkuentro di Michael Sleiman ku Barack Obama na 2009. Aktualmente outoridatnan libanes ta negoshando retirada di Israel di áreanan na sùit di Líbano.
Aparte di e kumbre bilateral na Kas Blanku, Aoun lo reuní ku vários funshonario merikano pa analisá situashon di su pais.
Líbano i Israel a kuminsá ku e negosiashonnan den aprel ku intenshon di pone fin na e guera den ámbos pais.
E di seis ròndu di negosiashon a konkluí djárason. Ámbos pais a yega na un akuerdo riba e struktura i maneho di e proseso, segun indikashon di un funshonario merikano.
