ROMA, Italia (AFP).- E Sekretario di Estado norteamerikano, Marco Rubio, lo reuní ku Papa Leon XIV durante di un biahe pa Roma den próksimo dianan, segun un fuente di Vatikano. E afirmashon aki ta bini algun siman despues di un choke entre e presidente Donald Trump i e pontífise. E fuente a konfirmá e informenan di prensa italiano riba e reunion, ku segun prensa por tuma lugá djaweps awor i lo buska pa “fria” e relashonnan.
E biahe di Rubo ta yega despues di krítikanan fuerte di Trump kontra di Leon XIV, e promé Papa norteamerikano, i tambe kontra e promé minister italiano, Giorgia Meloni, un di e aliadonan mas yegá na Europa.
Promé ku esei, un fuente di gobièrnu italiano a bisa na AFP ku e hefe di diplomasia norteamerikano, di religion katóliko, lo reuní na Vatikano ku e kardinal italiano Pietro Parolini tambe ku Anonio Tajani.
Segun fuente di gobièrnu italiano, Rubio a pidi pa e por reuní ku Meloni, apesar ku Trump no a keda kontentu ku e echo k’e promé minister italiano a defendé Papa despues dje palabra di trump.
Luna pasá, e presidente merikano a respondé un rechaso dje pontífise riba guera den Medio Oriente, kalifikando Papa di ta “débil” i “teribel pa polítika eksterior”.
For di despues di a bai para na kabes di iglesia katóliko, e pontífise norteamerikano kende a naturalisá peruano, a kritiká kampaña anti inmigrashon di e gobièrnu di Trump. Pero tabata su retórika anti guera, spesialmente despues dje atakenan di Merka i Israel kontra di Iran, ku a pone e presidente norteamerikano eksplotá.
