Presidente guyanes Irfaan Ali i Sekretario di Estado di Merka Marco Rubio, ta saludá otro durante di un enkuentro na Georgetown, Guyana.
GEORGETOWN, Guyana (AFP).- E hefe di diplomasia di Merka, Marco Rubio, a atvertí Venezuela ku “un atake kontra di su bisiña” Guyana den kuadro dje disputa di teritorio pa un region riku na petroli “lo no kaba bon”, i a insinuá e uso di forsa militar.
“Si nan ataká Guyana of Exxon Mobil, lo ta un dia hopi malu, un siman malu pa nan. “E kos ei lo no kaba bon”, Rubio a bisa den konferensia di prensa durante di su bishita na Georgetown.
Di su parti, e presidente guyanes Irfaan Ali a bisa ku Marco Rubio a primintí respaldo di Washington na Guyana den e disputa teritorial ku Venezuela.
“”Mi ta hopi kontentu ku e garantia di Merka pa salvaguardá nos integridat teritorial i soberania”, segun Ali a bisa den konferensia di prensa ku motibu dje bishita di Rubio na Georgetown.
