WASHINGTON (AFP).- E sekretario dI Estado norteamerikano, Marco Rubio, a biaha pa un reunion di OTAN na Europa na momento di tenshon kresiente entre e presidente Donald Trump i e bloke europeo.
Rubio a hasi e biahe poko despues ku Trump a hasi su anunsio sperá riba impuesto global, komo parti di un esfuerso pa restrukturá e órden ekonómiko mundial i basha’bou esfuersonan di komersio mas liber.
Aliadonan europeo a atvertí di lo reakshoná di e mesun manera. Reino Uní, ku a bandoná Union Europeo, a deklará di lo tuma su tempu miéntras lo buska un akuerdo komersial ku Washington.
Rubio, komo hefe di diplomasia norteamerikano, a usa un lenguahe mas delikado ku Trump. Pero, promé ku su biahe, el a bisa ku e republikano tin rason ora ku el a trese dilanti ku “e situashon di komersio mundial ta kompletamente inhustu pa Merka”.
