Marco Rubio sekretario di estado na Merka a yega edifisio di korte na Miami pa duna deklarashon den kaso di un bon amigu
MIAMI, MERKA, AFP.- Hefe di diplomasia merikano Marco Rubio a aparesé den korte komo testigu pa un kaso di un amigu bieu, akusá di a lobi den sekreto pa e gobièrnu di Venezuela durante e promé atministrashon di Donald Trump.
David Rivera, un republikano di 60 aña ku tabata legisladó estatal di Florida i despues a representá e estado ei den Kámara di Representantenan di Merka, ta husga pa korte federal di Miami pa aktonan ilegal entre febrüari 2017 pa desèmber 2018.
Rubio a testiguá den tribunal durante algun ora, kaminda el a konfirmá ku Rivera tabata un amigu hopi yega di dje i inkluso nan a kompartí kas ora nan tabata legisladó estatal i el a nenga di tabata sa nada di supuesto kontrakt firma pa e ku outoridatnan venezolano.
Segun e akusashon, Rivera tabata kontratá pa e eks mandatario venesolano Nicolas Maduro, pa logra ku kas Blanku ta suavisá e maneho pa lku Caracas ku yudansa di su kontaktonan republikano.
Fiskalia no ta akus’é, sinembargo niun delito kontra Rubio, ku tabata senador na momentu di e echonan na yüli 2017, ora el a keda entrevista na dos okashon ku su amigu pa papia riba e futuro di Venezuela.
Segun e deklarashon di e sekretario di estado, promé ku e enkuentro ei, den kareda di 2 ora, Rivera a bisé ku e kier a top’e pa papia di e echo ku personanan den e régimen di Maduro tabata dispuesto na pone nan mes un banda i permití elekshonnan liber i hustu.
