BUCAREST, AP.- E gobièrnu di Rumania a rechasá ayera e dekreto di emergensia ku ta kita kastigu di algun kaso di korupshon despues di protestanan grandi interno i krítikanan di pafó.
E gobièrnu di promé minister Sorin Grindeanu a aprobá e dekreto inisial djárason anochi sin partisipashon di parlamento.
Despues di anulashon di e medida, Grindeanu a pidi minister di hustisia pa prepará un inisiativa ku lo keda manda parlamento, pa e pone na debate i aprobashon.
E partido Sosial Demókrata di sentro iskierda, ta esun mas grandi den parlamento ku un sosio legislativo chikí.
E medida ta kita kastigu di algun kaso di korupshon si e rekursonan impliká tabata ménos ku 200 mil lei ku ta alrededor di 47800 dòler.
Grindeanu a bisa ku e proyekto di lei nobo mester atené na e sentensia di korte, na e disposishonnan oropeo i e kódigo penal di Rumania.
Pa di seis dia sigui e hendenan a protestá ayera tambe kontra di e dekreto di kapital Bucarest.
