MOSCOW, RUSIA, AFP.- Rusia a anunsiá djárason ku lo ekspulsá 27 diplomátiko spañó, 34 franses i 24 italiano. Esaki ta Rusia su reakshon riba medidanan similar adoptá pa paisnan europeo, despues di e invashon den Ukrania.
Diplomasia ruso a anunsiá ekspulshon di 27 diplomátiko spañó, despues di deklará 34 miembro di e delegashon franses komo ‘persona non grata’ i dekretá salida di 24 italiano.
Paris a kondena e anunsio di Rusia, konsiderando ku e desishon no tin niun base legítimo.
Promé minister italiano Mario Draghi a bisa ku e ekspulshon ta un akto hostil. El a bisa ku mester evitá di kibra relashonnan diplomátiko.