CARACAS, AP.- Un embahador di Rusia den Nashon Uní a bisa ku Moscow ta “preokupá ku algun pais impasiente ta konsiderando un medida militar kontra Venezuela”.

Vassily Nebenzia a bisa djaweps na reporteronan den sede di Nashon Uní na New York ku e medida aki “lo resultá den un suseso hopi negativo”.

Nebenzia a deklará ku asta e paisnan latinoamerikano ku ta sostené oposishon venezolano “ta kontra kualkier medida di intervenshon militar na Venezuela”.

E diplomátiko ta konsiderá ku e entrega di yudansa humanitario na frontera di Venezuela pa e venezolanonan den nesesidat ta wòrdu usá “komo un piesa den un wega polítiko”. El a bisa ku e asuntu ta un provokashon ku “por resultá den algu muchu mas pió”.

Nebenzia a bisa ku e gobièrnu sosialista di Nicolás Maduro semper tin e opshon pa pidi yudansa humanitario di Nashon Uní.

LAGA UN KOMENTARIO

Please enter your comment!
Please enter your name here