Interkambio di restunan mortal ayera entre Ukrania i Rusia.
KIEV, Ukrania (AFP).- Ukrania a anunsiá ayera ku Rusia a entreg’é 1.200 kurpa, den kuadro di un akuerdo konkluí na Turkia durante e negosiashonnan resien entre e dos paisnan ku ta den guera ku otro. “A regresá 1.200 kurpa na Ukrania”, segun e sentro ukraniano di koordinashon pa prezunan di guera.
Segun e parti ruso, ta kurpa di siudadanonan di Urania i militarnan.
Rusia a bisa siman pasá ku lo e entregá di forma unilateral na Ukrania e kurpanan di 6.000 sòldá. Ukrania, di su parti, a bisa ku ta trata di un “interkambio”.
Siman pasá a parse ku e akuerdo lo a kai na awa, despues ku Rusia a akusá Ukrania di no ta akudí pa rekohé e promé grupo di kadavernan miéntras ku Kiev a bisa ku Mosku ta hungando “wega polítiko shushi”.
E kambio di sòldánan morto i kaptura tabata e úniko akuerdonan na kua a yega durante e kòmbersashonnan di pas selebrá na Istanbul.
Rusia ta rechasá e yamadanan pa pone fin na su invashon di Ukrania, lansá tres aña pasá.
