KIEV, UKRANIA, AFP.- Un ofisial ukraniano a bisa djaweps ku trupanan ruso ku ta okupando Mariupol na Ukrania, a kanselá fakansi grandi na parti sùitost di e pais pa prepará alumnonan pa kambia pa un kuríkulo ruso.
E siudat a kai den gara di forsanan di Moscow despues di un blokeo militar ku a kulminá na momentu ku tur forsa ukraniano a pone arma abou siman pasá na e empresa Azovstal, kaminda nan a resistí.
No tabatin niun konfirmashon di e ekstenshon di e aña eskolar di parti di Rusia.
“E muchanan lo mester studia e lenguahe, literatura i historia di Rusia i tambe lès di matemátika”, segun indikashon di e funshonario Petro Andryushchenko. El a añadí ku e meta ta pa deshasí di e kuríkulo ukraniano i prepará e muchanan pa un kuríkulo ruso.
