MOSCOW, AP.- E ministernan di Defensa di Rusia i Venezuela a reuní na Moscow djaweps, pa oumentá nan koperashon militar.
Serguei Shoigu a risibí e promé minister venezolano Vladimir Padrino i a elogiá Venezuela pa “resistí e intentonan di Merka pa kita e gobièrnu legítimo”, afirmando ku forsanan arma venezolano ta garantia di e integridat teritorial di e pais suramerikano.
Shoigu a proponé un reunion ku su kolega venezolano pa pensa kon por mehorá e koperashon militar i tékniko entre e dos paisnan. Padrino a bisa ku Venezuela lo resistí tur preshon di Merka i a agregá ku e intentonan di Washington ta un violashon kontra leinan internashonal.
Rusia ta respaldá presidente Nicolás Maduro, miéntras mas di 50 pais ta konsiderá i rekonosé e lider opositor Juan Guaidó komo e presidente legal di Venezuela.
