PARIS, Fransia (AFP).- Rusia a keda kondená na paga mas di míles mion dòler na e banko ukraniano Oschadbank pa e pèrdidá di su invershonnan den Crimea, despues ku un Tribunal di Apelashon di Paris a rechasá e apelashon ruso.
E pleitu tin di haber ku un proseso inisiá den 2018 pa JSC Oschadbank dilanti di un tribunal di arbitrahe internashonal na Fransia. E banko a reklamá e pèrdidá di invershonnan den Crimea despues ku e teritorio a pasa pa forma parti di Rusia den mart di 2014. Oschadbank a basa su demanda riba un tratado bilateral di invershon firmá entre Rusia i Ukrania dia 27 di novèmber di 1998.
E tribunal a duna veredikto na fabor di Oschadbank i a kondená Rusia na paga mas di mil mion dòler, pero Mòsku a apelá e desishon i e Tribunal di Apelashon di Paris a anul’é den 2021 konsiderando ku e tratado no tabata aplikabel.
E banko ukraniano a bai Korte di Kasashon, ku a anulá e sentensia di apelashon den desèmber di 2022, restablesiendo e desishon anterior.
Den guera entre Rusia i Ukrania, un sala nobo di Tribunal di Apelashon di Paris “a rechasá e demanda nobo di anulashon presentá pa Rusia despues di a tuma nota di e sentensia di Tribunal di Kasashon i konfirmá pa arbitrahe kontra di Rusia”, segun Lina Reyes, hurista di Sentro di Mediashon i Arbitrahe (CMAP).
