MOSCOW, AP.- Rusia lo desaroyá misilnan di alkanse intermedio dentro di e próksimo dos añanan. E deklarashon di minister di Defensa ta parse manera un kontesta na e desishon di Merka pa bandoná un akuerdo nuklear importante.
Washington a notifiká Moscow di su desishon importante di suspendé su obligashonnan pa ku e Trato di Forsanan Nuklear di Alkanse Intermedio, formá na aña 1987. E desishon a wòrdu tumá pa supuesto violashonnan di parti Rusia.
E presidente ruso, Vladimir Putin a bisa ku Moscow tambe lo bandoná e pakto.
Rusia ta ninga e akusashonnan di Merka, kual ta indiká ku e pais a violá un prohibishon di e trato dor di konstruí un misil di rango intermedio. E minister di defensa Serguei Shoigu a bisa ku awor lo bai kuminsá diseñá e armanan aki.
Shoigu a hasi a deklarashonnan despues ku el a reuní ku Putin durante fin di siman. E lider ruso a duna instrukshon pa ehérsito traha i desaroyá armanan nobo ku e pakto a prohibí anteriormente.
“Si Rusia no detektá armanan similar di Merka e pais lo no usa ningun arma di rango intermedio den Europa òf otro regionnan”, asina el a agregá.
