KIEV, UKRANIA, AFP.- Misilnan Ruso a kai riba un klínika médiko den siudat Dnipro, matando por lo ménos dos persona, segun Rusia ta kulpa Kiev pa desénas di atake na sùit di region Belgorod.
Na Moscow, a minister di eksterior ruso, Sergey Lavrov a papia di e konflikto di Ukrania ku e representante di China Li Hui. El a kulpa Ukrania i paisnan oksidental di krea “opstákulonan serio” pa resumí ku kombersashonnan di pas.
Na Belgorod na sùit di Rusia, e gobernador a bisa ku militar ukraniano ta responsabel pa artieria, i atakenan ku drone den e region pero no a reportá niun morto.
Presidente ukraniano Volodymyr Zelensky a publiká un video kaminda por mira edifisionan sin dak despues di e atake. Outoridatnan a bisa ku 30 persona a resultá heridá inkluyendo dos mucha di tres i seis aña.
Zelensky a bisa ku dor di ataka fasilidatnan médiko, “teroristanan ruso ta bolbe konfirmá nan status di luchadónan kontra tur kos ku ta humano i honesto”.
