KIEV, UKRANIA, AFP.- Rusia a afirmá djamars ku e pais ta bombardiando Ukrania i a akusá forsanan ukraniano ku tortura di sivilnan riba teritorionan ku nan a rekuperá durante nan kontra atake.

E atakenan di Rusia a keda registrá despues ku e pais su forsanan mester a sali for di vários zona na nortost di Ukrania, spesialmente den region di Jarkov komo konsekuensia di e kontra atake di ehérsito ukraniano.

Esaki ta un kontratempu enorme pa Rusia, desde ku su trupanan a wòrdu obligá pa sali for di Kiev na komienso di e guera. Moscow a indiká ku te ainda Rusia no ta interesá den un negosiashon di pas.

Forsanan di Rusia ta ehekutando atakenan masivo kontra “unidatnan di forsanan armá ukraniano”, segun indikashon di e ministerio di Defensa ruso den un informe diario tokante e konflikto. Ademas, Kremlin ta akusá ehérsito di Kiev ku tortura di sivilnan ku ta biba riba teritorionan ku Ukrania a rekuperá.

E akusashonnan di Rusia a bini despues ku outoridatnan ukraniano a afirmá ku a haña kuater kadaver di sivilnan ku “señal di tortura” den pueblo oriental di Zaliznichne.

LAGA UN KOMENTARIO

Please enter your comment!
Please enter your name here