... Mientrastantu e guera ta sigui na Ukrania kaminda diariamente un kantidat di persona inosente ta pèrdè nan bida.
KIEV, Ukrania (AFP).- Rusia ta gaña strañeronan di paisnan manera Colombia, Brasil i Cuba pa nan bringa den Ukrania, segun denunsia di Amnesty International, den un informe ku a sita entrevistanan ku prezunan di guera ku a firma kontraktnan militar ku Mòsku, segun e organisashon. Entre e víktimanan, ademas di brasilero- i kolombianonan, tin personanan di Sri Lanka i di Suráfrika, algun di nan ku a keda hibá Rusia ku anunsionan falsu di trabou pa despues nan keda obligá na bringa den guera, segun organisashon di drechinan humano.
Den luna di yüni, un investigashon di AFP a revelá ku Mòskú tabata usa promesanan falsu di trabou ku bon pago den sektor sivil pa por atraé kenianonan, kendenan despues ta resultá den guera.
Outoridatnan ruso no a pronunsiá nan mes públikamente riba e akusashonnan aki. Tantu Mòskú komo Kiev ta reklutá strañeronan pa nan ehersisionan for di despues ku Rusia a invadí Ukrania kuater aña i mei pasá. Den luna di aprel Ukrania a kalkulá ku mas ku 28.000 strañero di 136 pais tabata presente bringando den ehérsito ruso.
Ademas dje grupo akí ta bini aserka ku den kareda di 14.000 sòldá norkoreano a bringa kontra di forsanan di Kiev durante su ofensivo den e region ruso di Kursk, den 2024.
