MOSKU (AFP).- Rusia a inklu Stanford University riba su lista pretu di “organisashonnan no deseá”, loke den práktika ta nifiká ku ta prohibí rusonan pa realisá kualke estudio na e prestigioso universidat di Merkla.
Keda deklará “no deseá” ta prohibí e entidatnan pa operá den Rusia i ta trese kuné ku esnan ku kolaborá ku nan ta kore riesgo di haña kondena den den korte. E lista mas aleu ta inkluí mas ku 300 organisashon di derechinan humano, institushonnan akadémiko i medionan di komunikashon independiente. Entre esnan mas destaká ta figurá e universidatnan norteamerikano Yale i Berkeley, komo tambe gruponan di derechinan humano Human Rights Watch i e organisashon Transparency International.
Di akuerdo ku un lei aprobá den 2015, pero masha poko biaha apliká promé ku e guera di Ukrania, Rusia a prohibí organisashonnan ekstranhero pa motibu di ta konsiderá nan komo menasa pa seguridat nashonal.
