VARSOVIA, Polonia (AFP).- Outoridatnan ruso ayera a konfiská negoshinan di e multinashonal Nestlé i di tres grupo franses, un medida ku Kremlin a defendé komo nan reakshon hustifiká kontra di empresanan di paisnan “no amistoso” pa nan apoyo na Ukrania.
Un dekreto firmá pa Vladimir Putin a transferí e operashonnan ruso di Nestlé, di e kadena franses Auchan i dje antiguo marka Leroy Merlin -konosí awendia komo Lemana Pro- pa un empresa denominá LEV Management. E medida tambe ta afektá e filialnan ruso dje grupo franses FM Logistic.
Gobièrnu franses ayera a tuma kontakto ku outoridatnan ruso pa nan bòltu e desishon.
“Fransia ta denunsiá e desishon inkorekto di outoridatnan franses i ta hasi un yamada riba outoridatnan ruso pa revoká e desishon”, segun un komunikado di Ministerio di Asuntunan Eksterior i di Ekonomia.
LEV Management ta un kompania kreá na kabamentu di 2025 i ta keda dirigí pa un general di Ministerio di Interior ruso.
Ta trata dje medida mas resien di Rusia kontra empresanan oksidental komo reakshon pa e avalancha di sanshonnan kontra di Rusia pa su guera kontra di Ukrania, ku ya a drenta su di sinku aña.
