MOSKU (AP).- Rusia lo no firma kontratonan nobo di benta di arma ku Siria te ora ku e situashon den e pais ei kalma, asina un funshonario ruso di rango haltu a bisa ayera.
Moskú, sin embargo, ta bai sigui ku e eksportashonnan akordá anteriormente, asina Vyache s lav Dz i rkaln, supdirektor di e agensia di koperashon militar i tékniko ruso a bisa.
Agensianan di notisia di Rusia a sita Dzirkaln den kuadro di e feria aeronóutiko di Farnborough, na sùitwèst di Londen.
E funshonario a añadí ku te ku e momentu aki Rusia tabata suministrando e ehérsito di Siria e piesanan i asistensia nesesario pa e drechamentu di armanan suministrá anteriormente.
Aktivistanan sirio ta bisa ku mas o ménos 14.000 persona a muri den e lantamentu ku a kuminsá na mart di 2011.
Dzirkaln a bisa ku Rusia no ta bende helikòpternan ni avionnan di kombate ku Siria.