MOSCOW, RUSIA, AFP.- Rusia lo mira un oumento fuerte den e figuranan di mortalidat den mei, segun indikashon di ofisialnan djabièrnè, segun e kantidat di morto komo kousa di e Coronavirus ta subi.
“Lo bini un oumento signifikante den e tasa di morto den mei”, segun indikashon di e vise promé minister Tatiana Golikova durante un reunion ku presidente Vladimir Putin, refiriendo na e análisis ofisial den e kurva di Coronavirus den e pais.
E alkalde di Moscow, Sergei Sobyanin a bisa ku e kantidat di morto den mei lo ta muchu mas haltu ku e kantidat di aprel. Un funshonario a splika den un entrevista ku e “peak di mortalidat tin un retraso di entre dos pa tres siman despues di e peak di hospitalisashon” pa e Coronavirus.
Rusia a registrá 150 morto djabièrnè, kual ta e kantidat diario di mas haltu te ainda. e pais ta wòrdu kritiká di no reportá e kantidat aktual di morto pa kontené ‘eskala’ di e krísis.
