BAGHDAD, IRAK, AFP.- E lider shiita poderoso Moqtada Sadr, kende a haña gran kantidat di asiento durante elekshon na Irak aña pasá, e eksihí djárason pa disolvé parlamento i organisá elekshon nobo.
Kasi dies luna despues di e último elekshonnan, ainda e pais no a haña ni un gobièrnu ni un promé minister òf presidente nobo. Despues di vários disputa entre e partidonan ku mester forma un koalishon.
Su diskurso na televishon a tuma lugá na momentu ku su partidarionan a okupá parlamento riba e di sinku dia konsekutivo, protestando kontra nombramentu di un promé minister di un grupo shiita rival.
Sadr, kende a dirigí un milisia anti merikano den pasado i kende tin miónes di siguidó, a señalá ku e no ta “interesá” pa negoshá ku su rivalnan.
“E revolushonarionan i manifestantenan ku ta partisipando den e manifestashon mester keda i sigui protestá te ora ku kumpli ku nan demandanan”, asina el a bisa.
