WILLEMSTAD.- Departamento di Reibeweis ta informá ku entrante djaluna, 13 di aprel 2026, registrashon ta habri pa tur studiante ku ta bai studia den eksterior por saka nan reibeweis. Tin e oportunidat pa registrá pa bo pasa èksamen pa reibeweis promé ku bo biaha pa estudio.
Tur studiante ku ta bai studia pafó di Kòrsou den e aña eskolar benidero i ku ke pasa nan èksamen di reibeweis, mester manda nan registrashon via e-mail pa e Departamento di Reibeweis.
Di e forma akí, e departamento di Reibeweis por plania mihó i garantisá un bon servisio.
Na momento di registrashon, tur studiante interesá mester a kumpli 18 aña kaba. Último dia pa registrá na Departamento di Reibeweis, ta djabièrnè 12 di yüni 2026.
E e-mail ku studiantenan por usa pa manda nan registrashon ta puz@gobiernu.cw.
Huntu ku e registrashon mester manda un kopia di identifikashon di e studiante i tambe prueba di su petishon na Stichting Studiefinanciering Curaçao (SSC) òf otro instansia ku ta enkargá ku studiantenan ku ta bai studia den eksterior. Esaki mester indiká ku e ta studiante ku ta bai studia den eksterior e aña eskolar 2026/2027.
Studiantenan ku ta bai studia den eksterior, sin aporte di SSC, mester tin un deklarashon di skol aktual.
Pa mas informashon por tuma kontakto via number di telefòn 736-2929 òf manda un mail na rijbewijzen.puz@gobiernu.cw.
