GAUHATI, INDIA (AP).- E sifra di mortonan kousá pa e inundashonnan di temporada ku a destruí e estado Assam na nort-ost di India a yega 121 ayera, na momentu ku e dañonan ku e mal tempu a laga ta oumentá.
E habitantenan ta sigui haña kadavernan segun ku e awa ta baha. Ayera, e sifra di mortonan tabata 121, inkluí 16 kadaver ku a haña den avalanchanan di lodo.
Kasi mitar di e 2,2 mion di personanan ku a move di nan kasnan ta alohá ainda den refugionan improvisá òf den kasnan di famianan òf amigunan. Gobièrnu sentral a ofresé 90 mion dòler na yudansa pa e estado, kua su prinsipal aktividat ekonómiko ta agrikultura i kaminda a lo ménos 254.000 hèktar di vèlt di aros i otro kultivonan a resultá afektá.
E inundashonnan a mata tambe 559 animal den e reserva natural di Kaziranga, entre nan mas di 400 porko salbahe i 14 ‘neushoorn’ di India, ku ta den peliger di ekstinshon.
