PORTHSMOUTH, NEW HAMPSHIRE, MERKA, AP.- Bernie Sanders, kende a promové un “resolushon polítiko” ku a motivá miónes di votante den e pais, a ofresé un respaldo na su oponente demókrata Hillary Clinton, pidiendo unidat na kasi dos siman di e Konvenshon Nashonal Demókrata.
Sanders, kende a definí su mes komo sosialista demókrata, a felisitá Clinton pa gana nominashon i a primintí di hasi loke e por pa yud’é gana Donald Trump, di Partido Republikano.
” E kampaña ak i realmente no ta trata di Hillary Clinton òf Donald Trump òf Bernie Sanders òf kualkier otro kandidato ku ta buska residensia. E kampaña aki ta tokante e nesesidatnan merikano i e krísis grave ku nos ta enfrentando”, segun Sanders a bisa. “Mi no tin ningun duda ku, segun nos ta avansá pa Novèmber, Hillary Clinton ta e mihó kandidato, ku muchu mas bentaha ku tur sobrá”.
Sanders a respaldá Clinton algu promé ku konvenshon demókrata pero Clinton a smail i brasa Sanders. Despues ámbos a hisa man den señalá di unidat. E eks sekretaria di Estado a bisa ku e último kuater lunanan di kampaña lo ta “muchu mas agradabel” pa trata ku Sanders i a reiterá e lema di su kampaña “Nos ta mas fuerte huntu”.
