Pueblo a skohe mi komo su representante
PARAMARIBO.-Chan Santokhi, eks presidente di Sürnam ta drenta Asamblea di Sürnam (Parlamento). Manera ta konosí 25 di mei último pueblo di Sürnam a bai urna i a skohe un presidente nobo den persona di Jennifer Geerlings-Simon. A keda e pregunta si Santokhi lo aseptá pa bai den Parlamento si òf no.
Den un informe ofisial Chan Santokhi a atmití ku el a manda un karta ofisial na presidente di Asamblea Nashonal den kua ta informe ku e ta kla pa drenta e órgano komo representante di pueblo. Na Sürnam tambe Parlamento tabatin reseso i komo tal Santokhi a splika ku awor ku siman nobo a habri e ta bai tuma kontakto ku e presidente di asamblea, despues ku el a manda su karta kaba.
E eks presidente di Sürnam mester tende di e presidente di Asamblea ki dia esaki ta bai plania pa asina Chan Santokhi por drenta e órgano i bira un representante di pueblo.
Hopi determiná Chan a bisa ku pueblo a skoh’é komo representante di pueblo, apesar di tur loke hendenan por papia. Si e no ta den gobièrnu su responsabilidat ta pa bai defendé interesnan di pueblo komo su representante den Asamblea. Naturalmente e situashon ta un poko diferente, awor den oposishon. E interes primario ta sali na defensa di interes di pueblo di Sürnam.
