BOGOTA, COLOMBIA, AP.- E mandatario Juan Manuel Santos a risibí djamars Martin Schulz, Presidente di Parlamento Europeo i nan a trata temanan manera implementá e akuerdonan ku gobièrnu kolombiano a negoshá ku FARC. Despues di e reunion privá ku Santos den kas presidensial, Schulz a duna periodistanan su apoyo na e proseso di pas ku ta keda realisá na Cuba entre delegadonan di e Presidente Santos i esnan di Fuerza Armandas Revolucionarias de Colombia (FARC). E parlamento europeo meskos ku otro miembronan di Union Europeo a sigui e proseso hopi di aserka den último añanan i nan ta kere ku e proseso polítiko i finansiero mester keda kompañá pa nan asina e Presidente di Parlamento Europeo a bisa.
E negosiashonnan ku a keda tené na La Habana ta hasi posibel ku e proseso ta yega na éksito den futuro. For di kabamentu di 2012 Santos i FARC ta negoshá na Cuba pa trata di pone fin di mas di 50 aña di guera ku tin.
