WILLEMSTAD.- Formadó Ruthmilda Larmonie-Cecilia ayera a bishitá gobernador Lucille George-Wout. “Mi a informá gobernador kon e proseso di formashon ta kanando. E proseso di formashon ta kla. Nos mester atendé ku un par di kos chikitu so.” Ku esaki ta nifiká ku screening di ministernan ta kla. “Screening ta un gran parti di formashon. Esei a tuma su tempu.” Djaluna pasá Larmonie-Cecilia a bishitá gobernadó kaba. Den e momentu ei screening no tabata kla. AworWILLEMSTAD.- Formadó Ruthmilda Larmonie-Cecilia ayera a bishitá gobernador Lucille George-Wout. “Mi a informá gobernador kon e proseso di formashon ta kanando. E proseso di formashon ta kla. Nos mester atendé ku un par di kos chikitu so.” Ku esaki ta nifiká ku screening di ministernan ta kla. “Screening ta un gran parti di formashon. Esei a tuma su tempu.” Djaluna pasá Larmonie-Cecilia a bishitá gobernadó kaba. Den e momentu ei screening no tabata kla. Awor mayoria kos ta kla. Segun Larmonie-Cecilia proseso di formashon a bai bastante lihé. “Siman pasá mi a hasi apelashon na tur instansianan konserní pa pone atenshon na e proseso i bin ku nan kontribushon mas lihé posibel. Konsiderando e situashon kritiko ku Kòrsou ta den awor.” Segun Larmonie-Cecilia mayoria di e kontribushon a bin bastante lihé. Manera ta konosí, gobernador a duna Ruthmilda Larmonie-Cecilia dia 6 di mart e mandato pa forma un gabinete interino....