Sean”Diddey” Combs ta mustra di ta den problema hopi serio ku hustisia norteamerikano.
NEW YORK, USA (AFP).- Ministerio públiko norteamerikano a agregá otro dos akusashon,unu di trafiko seksual i otro di transporte pa ehersé prostitushon, kontra dje rapper Sean ”Diddey” Combs. E rapero lo keda husgá den luna di mei.
E akusashonnan bobo, relashoná ku un muhé identifiká pa fiskal únikamente komo”Viktima 2”, lo por agregá mas tempu di prizòn den kaso ku e keda deklará kulpabel.
Ministerio públiko a solisitá pa Combs presentá dia 25 di aprel, ku lo bira su último bishita promé ku su kaso kuminsá den luna di mei.
E magnate di hip hòp,di 55 aña, ta keda akusá di abuso seksual i di a obligá su viktimanan pa tuma parti na fiestanan seksual ku uso di droga, kompañá ku menasa i violensia. E tabata obligá su trahadónan pa traha oranan largu i tabata eksigí nan silensio.
Te ku ayera, e magnate di músika a nenga tur e akusashonnan i ta bisa ku e relashonnan tabata ku akuerdo mutuo.
E akusashonnan kontra dje eksitoso músiko a bin ta akumulá for di fin di 2023, tepu ku e kantante i eks-pareha Cassie, kende su nòmber berdadero ta Casandra Ventura, a deklará ku Combs durante di mas ku un dékada a usa forsa físiko kontra di su persona, tabata drog’e i te asta a viol’é seksualmente.
Ademas dje kaso penal federal, Combs ta enfrentá un kantidat grandi di demanda sivil, denunsiánan di abuso di parti dje artista i esaki ku yudansa di un grupo fiel di empleadonan.
E super strea di rèp ta será for di sèptèmber. Su aspekto a kambia i awor e ta komparesé ku un aparensia hopi mas bieu.
