WILLEMSTAD.- Maneho di Kòrsou den kuadro di pandemia di COVID-19 tabata sumamente eksitoso, asina direktor Pieter Elbers di KLM a bisa. Na su opinion Kòrsou te ainda konosé un maneho hopi efikas. Promé Minister Gilmar Pisas huntu ku Minister di Tráfiko Transporte  i Planifikashon Urbano Charles Cooper, i Minister di Desaroyo Ekonómiko Ruisandro Cijntje  resientemente a reuní ku Presidente i CEO di KLM Elbers.

Durante e reunion Elbers tabata kompañá pa sr. Dirk Buitelaar (Regional Manager di KLM).

Durante di e reunion aki a trata entre otro e puntonan tokante preisnan di buelo, pa espesialmente nos studiantenan, tarifanan haltu na Aeropuerto, oportunidat pa por merkadeá i haña mas buelo for di Europa i diferente otro punto mas ku ta di importansia pa nos pais.

E reunion tabata unu di kortesia pa e Presidente i CEO di KLM por a sera konosí ku nos ministernan i alabes atendé sierto punto ku por benefisiá nos komunidat i KLM naturalmente.

 

 

LAGA UN KOMENTARIO

Please enter your comment!
Please enter your name here