WASHINGTON, MERKA, AFP.- Kas Blanku a bisa ku Rusia ta kla pa ataká Ukrania na kualke momentu miéntras ku e menasanan ta sigui krese dilanti di reunionnan entre e tòp merikano i e diplomátikonan ruso.
“Nos ta un kaminda aki kaminda Rusia kualke momentu por ataká Ukrania”, segun e sekretario Jen Psaki a bisa reporteronan. Su karakterisashon di e situashon rondó di Ukrania ta bin na momentu ku sekretario di estado Antony Blinken tabatin planiá pa reuní ku ministerio di eksterior di Rusia Lavrov e siman aki na Ginebra.
Un ofisial merikano ku a papia den kondishon di keda anónimo a bisa ku e meta di Blinken ta pa mira si tera ta firma kaminda por konvensé Rusia pa hala atras for di Ukrania.
Ukrania, Merka i paisnan Oropeo ta preokupá ku e presensia di trupanan di Rusia na frontera apesar ku na numeroso okashon Mòsku a nenga plannan di invashon.
