CARACAS, VENEZUELA, AFP.- E kansier di Venezuela, Jorge Arreaza a bisa djárason ku ya e pais lo a kumpra tur e vakunanan kontra COVID nesesario si no tabata pa e sanshonnan ekonómiko kontra e gobièrnu di Nicolás Maduro.
“Si Venezuela su rekursonan no tabata blòkiá den estranhero, nos lo a kumpra e 30 mion vakunanan ku e pais falta for di tres luna pasá”, segun indikashon di e minister den un entrevista ku AFP na Caracas. Mirando ku e rekursonan ta blòkia, e pais ta dependé di vakunanan di Rusia i China.
Merka, kual no ta rekonosé e gobièrnu di Maduro a kongelá miónes di dòler di e venezolanonan den bankonan di Merka. E pais ta rekonosé e lider opositor Juan Guaidó komo e presidente interino di Venezuela huntu ku mitar sentenar di pais mas.
Venezuela a haña algu ménos ku 1 mion vakuna. Di esaki 250.000 ta Sputnik V i mei mion ta di Sinopharm. Oposishon ta akusá ku ta e gobièrnu ta strobando entrada di dósisnan nobo.
