Trahadónan di reskate i polis ta saka restu mortal di un dje seis trahadónan di mina ku a keda atrapá den un mina ilegal despues di un eksploshon.
GUACHETA, Colombia (AFP).- Trahadónan di reskate ayera tabata buska pa saka seis trahadó atrapá den un mina ilegal di karbon den sentro di Colombia despues di un eksploshon, ounke outoridatnan ta sospechá ku ya nan tabata morto. E trahadónan a keda bou di tera den Guachet, un pueblo na 100 km for di Bogotá kaminda ku trabou di mina ta un dje prinsipal fuentenan di entrada.
E trahadónan di reskate dado momento mester a para e trabounan ora ku a detektá nivelnan haltu di gas. “E situashon ta laga nos pensa ku nan no ta bibu”, segun un dje trahadónan di reskate”, i esei pa motibu ku no por a suministrá oksígeno na e mineronan.
“Pafó dje mina famianan den un friu ku ta karakterisá e zona andino tabata warda riba un bon notisia. Gobernador dje zona a bisa ku aparentemente “tabatin òrdu pa sera” e mina, pero trabounan a sigui sin e pèrmit rekerí. Aksidentenan den minanan na Colombia ta tuma lugá ku frekuensia, spesialmente den minanan ilegal.
