WASHINGTON, MERKA, AFP.- Presidente merikano Donald Trump a anunsiá un atake nobo kontra di un supuesto embarkashon di narkotráfiko na kosta di Venezuela, ku un balanse di seis morto, segun un mensahe riba su ret Truth Social.
Ta trata di e di sinku atake di ehérsito merikano kontra embarkashonnan dilanti kosta di Venezuela den laman Karibe, kaminda Washington a manda barkunan militar i un supmarino for di ougùstùs.
Kue akshon di ayera, e kantidat di víktimanan a bira 27. E promé anunsio di un atake tabata dia 2 di sèptèmber.
E atake nobo a tuma lugá despues ku inteligensia a konfirmá ku e embarkashon tabata karga droga, i ta asosiá ku retnan di narkotráfiko ilegal i ta nabegá den un ruta konosí di e organisashonnan ei, asina Trump a sigurá.
E mandatario a kompaña su mensahe ku un video den pretu ku blanku kaminda por mira un lancha moviendo den laman i despues un impakto ku a destruí esaki totalmente.
