WILLEMSTAD.- Ayera dia 1 di mart, EXTRA a selebrá 50 aña. Den e kuadro aki a selebr’é ku trahadónan, eks trahadónan ku a bai ku penshon, invitadonan, famia i amigunan. Na e okashon akí a hasi uso di e oportunidat pa duna rekonosementu na e trahadónan ku a yega sierto edat den servisio entre otro 15, 20, 25, 30, 35, 40 i asta 45 aña trahando na Extra.
Nathaly Cleofa i Luis Curiel tur dos 15 aña trahando Freelance, Nuria Irausquin sekretaria ku 20 aña, Anthony Pieter, Erwin Benita i Lilian Sumpter ku 25 aña, Lysandra Trinidad, Claudio Moreno i Rudsel van Lamoen ku 30 aña, Cedelia Sin Paulina ku 35 aña, Edny Elias ku 40 aña i Etline Cleofa ku 45 aña di servisio.
Pabien na e koleganan. I e siman aki nos ta sigui selebrá ku entrega di premio na e ganadónan di e kampaña. E premio prinsipal ta un outo. Djabièrnè awor lo tin entrega di premio. Pabien na tur kolega i tambe na e ganadónan di kampaña.
