WILLEMSTAD. – E famia di EXTRA a selebrá den wikènt aniversario di dos kolega i na e okashon ei a para un ratu ketu tambe pa reflekshoná kon aña 2024 a bai pa Extra i kiko ta e plannan pa e añanan binidero. Na e okashon aki koleganan a disfrutá i un plato sukulento i tabatin un tremendo animashon di Hubert Scherptong.
E dos koleganan ku a kumpli aniversario ta Ruseño Sambo i Judesa Martis ku kada un a kumpli 15 aña den servisio. Riba e potrètnan por mira momentu ku Nuria Irausquin ta hasi entrega di bukèt di flor na Judesa Martis i Direktor di Extra Romulo Irausquin a hasi entrega di e ènvelòpnan kustumbrá.
