WILLEMSTAD.- Select Automotive, pa medio di Porsche Center Curaçao, ta orguyoso di a haña e honor di tabata anfitrion di diferente training di ‘Aftersales’ den estrecho kolaborashon ku Porsche i e ofisina regional di Porsche Latin America, for di 30 di yüni te 2 di yüli 2026.
Durante e 3 dianan di e training aki, mas ku 15 spesialista di ‘Aftersales’ for di diferente pais di Latinoamerika i Karibe tabata parti di un programa enfoká riba konosementu tékniko, mihó praktikanan di servisio, i desayoro profeshonal kontinuo.
Representantenan di Republica Dominicana, Puerto Rico, Guatemala, Panama, Costa Rica, Guadalupe, Trinidad i Tobago, Jamaica i Kòrsou tabata presente, hasiendo e kolaborashon ku ta eksistí den e ret regional di Porsche ainda mas fuerte.
E oportunidat pa organisá i ofresé e tipo di trainingnan aki ta demonstrá e kompromiso di Select Automotive i Porsche Center Curaçao ku ekselensia, edukashon i desaroyo di su tim. Kòrsou a bolbe destaká di forma internashonal komo anfitrion di Porsche i e ofisina regional di Porsche Latin America.
Alabes, e inisiativa aki ta reflehá e dedikashon ku Select Automotive i Porsche Center Curaçao tin pa su klientenan, dor di pone den praktika e balornan di kalidat, inovashon, i progreso di kual Porsche ta konosí mundialmente.
