Willemstad – Select Automotive den kolaborashon ku Banco di Caribe ta anunsiá e di 3 edishon di nan ‘Car Show’ anual, ku lo tuma lugá djasabra, 28 di mart entre 10’or di mainta pa 6’or di atardi na Banco di Caribe Saliña.
Durante e evento speshal aki lo tin un variedat amplio di markanan renombrá manera Volkswagen, Audi, SEAT, GAC i Mazda. Bishitantenan lo tin oportunidat pa sera konosí ku algun di e modèlnan di mas popular riba merkado i hasi ‘test drive’ durante e ‘Car Show’ aki.
For di 23 di mart último Banco di Caribe ta ofresé un interes faborabel, i posibilidat pa sera fiansa ku 0 na man, pa un periodo di finansiamentu te 7 aña. Ademas, Select Automotive ta ofresé deskuento òf ‘cash-back’ te 10 mil florin i un televishon 4K di 65 inch ku kompra di bo outo.
Pa apliká pa un fiansa di outo i risibí pre-aprobashon, Banco di Caribe ta rekerí e siguiente dokumentonan:
- 2 último slep di salario
- 2 último ‘statement’ di banko
- Karta di trabou (no mas bieu ku 2 siman)
- Identifikashon bálido
E aña aki Select Automotive lo presentá un variedat amplio di mas ku 35 outo i tur esnan interesá pa kumpra outo, por hasi ‘test drive’ tambe! Di e manera aki por eksperensiá e modèlnan di mas popular di 2026, hasi un eskoho i pasa serka e tim di Banco di Caribe ku lo ofrese bo un finansiamentu ku kondishonnan faborabel. Tantu e tim di Select Automotive komo esun di Banco di Caribe ta warda bo djasabra 28 di mart na Banco di Caribe Saliña di 10’or di mainta pa 6’or di atardi pa asistí i guia bo den e proseso di kompra i finansiamentu di bo outo.
