WILLEMSTAD.- Despues ku EXTRA a hala atenshon di e kantidat grandi di sushi ku a keda tira na altura di ‘Parke Lucha pa Libertat’, rápidamente Selikor i organisashon di World Cleanup Day Curaçao a sòru di limpia e área. Awor aki e área a keda limpi i bunita, kompará ku e mahos bista ku e tur e aparatonan elektróniko bieu i otro sushinan ku ilegalmente a keda tirá tabata sòru pe.
Ta trata di sushinan ku mester a keda di dùmp na lantfil pero antisosialnan a hòrta un chèns pa tira nan den e área aki. EXTRA ta spera ku outoridatnan kompetente lo sòru pa e kontrol nesesario pa evitá ku e tipo di aktonan aki ta bolbe sosodé.
