ASUNCION AP.- Senado di Paraguay a aprobá djabièrnè e sanshon di un enmienda konstitushonal ku a permití reelekshon konsekutivo di un presidente. Bintisinku di e kuarentisinku senadornan a apoyá e medida durante un sekshon ekstraordinario ku por a permití e aktual mandatario Horacio Cartes i hefenan anterior di e estado a keda abilitá pa pugna otro mandato pa e elekshon general na aprel 2018. Entre e bintisinku nan tin legisladornan di e partido Colorado i di e gruponan opositor Frente Guasu, Avansa Pais, Union Nashonal di Siudadanonan étiko i di e partido Liberal Radical Autentico. E sanshon probá pa e Senado ta den man di e diputado i 44 di e 80 parlamentarionan ta pertenesé na e partido Colorado ku a reuní djabièrnè anochi pa diskutí e sanshon. Si nan aprob’é Hustisia elektoral di Paraguay kual ta e órgano ku lo yama referèndem kaminda e resultado ta bai na un manera definitivo si nan aseptá òf no. Aktualmente no ta permití reelekshon for di 1992. Despues ku e desishon a keda notifiká na e 25 senadornan pa medio di un konferensia di prensa desordená kaminda Juan Dario Monges tabata na kabes e legislador ofisialismo Petta a duna su opinion bisando “tur kos ta ilegal i nos ta spera ku hustisia elektoral no konvoká niun referendum. Luis Alberto Wagner opositor Partido Liberal Radikal Autentiko a opiná ku su koleganan a kometé un gòlpi di estado pasó na un manera iregular i ilegal nan a modifiká Konstitushon. Djabièrnè den oranan di atardi agentenan polisial a kore ku algun grupo di manifestante dor di dal nan ku awa òf lansa disparo nan ku bala di goma. Entre esnan ku a risibí bala di goma tabatin e eks Minister Interior, Rafael Filizzola di e partido Democratico Popular i e aktual prekandidato presidensial pa e partido Liberal radical Autentico Efrain Alegre.