WASHINGTON, MERKA, AFP.- Senado di Merka a aprobá 12.000 mion dòler di yudansa ekonómiko i militar pa Ukrania, kual ta ekstendé e presupuesto federal te ku desèmber i evitá un parálisis di servisionan públiko.
E presupuesto a keda akordá pa senadornan di ámbos partido komo un medida provishonal i Kámara di Representante mester aprobá esaki promé ku e siman aki kaba.
E medida ta inkluí 3.000 mion dòler pa arma, provishonnan i salario pa e ehérsito di Ukrania.
Ademas, 4.500 mion lo bai pa mantené stabilidat entre e gobièrnu di Kiev i tambe di e ekonomia.
E presupuesto ta kaduká na fin di e aña fiskal, pues 30 di sèptèmber, mirando ku miembronan di Kongreso no a logra akordá un pakete pa e aña fiskal kompleto di 2022-23.
Ku e ekstenshon aki, e gobièrnu por sigui funshoná te ku desèmber, pero Kámara di Representante mester aprobá esaki promé.
E lider di mayoria di Senado, Chuck Schumer a bisa ku “e lucha ta leu di kaba i nos mester sigui yuda” e pueblo di Ukrania kontra e invashon di Rusia.
